Wer wir sind (ladin)

Chi sons’a nëus?
Chi ie pa do l Team Köllensperger?

La resposta ie drët scëmpla. L ne n’ie deguni dovia y sambën nce no deguna grupa de nteresc. Nëus son zitadins coche Vo, cun nosta stories persuneles, cun nosta esperienzes de lëur y nosta vites. Zitadins che à ueia, energia y entusiasm de dé n contribut per mudé nosc ncësa. Mplu ulons per l bën de duc, per rumpì chëla strutures de pudëi che ie tan stersces y che semea che ne sibe nia mesum de spusté.
Nëus ti ulon bon a nosc teritore, nëus l ulessan fé mo plu liede, sterch, rëidl y sustenibl. Zënza l balast de na politica tenida ju dala lobby y zënza n sistem ntravaiá ite da relazions de cunvenienzes. Avisa per chësc Ve dumandons a Vo zitadins la crëta pra la veles provinzieles cun l fin de jì a #guverné.

Chësta ie la rejon percie che on metù su chësc muvimënt, nasciù cun l fin de avëi te Südtirol na drëta alternativa per guverné.
Paul Köllensperger à purvà te chisc ultimi 5 ani tl Cunsëi provinziel cun n lëur concret de mëter sënies. Sën alincontra iel ëura de fé n var inant y jì danora. Rujené pea ne basta nia. Nëus ulon mudé deberieda cun Vo y cun l’aiut dal bas, nosta provinzia.

Nosc prinzips de basa

L ie ëura de fé velch y nëus son anjeniei a nes tò nosta respunsabiliteies!
Se mpenion per na politica rëidla, davierta y daujin al zitadin, uluda per l bën dla comunità che possa ti jì permez a ndesfidedes dl daunì cun nueva idees inovatives
Cun spirt de scuadra y cumpetënza pudons Ve pité na drëta alternativa!

 

Ala medema autëza di zitadins

Na bona politica scumëncia pra l dialogh, ala medema autëza di zitadins, abinan deberieda l medemo pont de ududa y la drëta soluzions per nosc daunì. La va debujën de: l bën dla cumenanza al post di nteresc particuleres, fundamënt al post de na cherta de partit, lauré sun i resultac mpede se tenì al pudëi. Vester despunibli de scuté su i autri ie n sëni de forza sce n uel che l dialogh cun i zitadins reste inant nce do la lites. Partezipazion democratica y cundivijion dla veles possa purté pro a ti sté permez al problem dl aric ala politica.